"Dar !"
Gebeg. Reuwas. Keur anteng leumpang bari ngalamun, aya nu ngabētakeun. Uing malik, hayang apal nu boga polahna. Suwung. Taya sasaha. "Ah, rarasaan meureun. tarik teuing ngalamun", cēk hatē. Uing nuluykeun deui lamunan bari leumpang. Inget deui ka manēhna, nu ngajak panggih peuting engkē.
"Dar !"
Gebeg. Reuwas deui waē. Rikat uing malik. Luak-lieuk. Lunga-lengo. Lapur, euweuh sasaha. Na saha atuh nya, nu ngareureuwas tēh. Ngaganggu kanikmatan pisan. Mun kapanggih jelemana moal teu di ...
"Darman ! Hudang siah !", Gebeg. Korējat. "Sangeunahna siah makē jeung hēēs di kelas", guru Tatang ngamang-ngamang jidar kai hareupeun beungeut uing. "Sibeungeut kadituh !"
Tidak ada komentar:
Posting Komentar