Salēngkah
Salēngkah
Nu ditundung pating kurunyung
Marulang kana hideung bodas trotoar pangwangunan
Mapaēs dayeuh nu pias
Sanajan bari rumengkog
Basa cipanon getih nguyumbang
Pagalo jeung keueung jeung kabutuh
Jeung lapar nu ngagalaksak
Ngahuru sakur lulurung kalbu
Tangka tutung logika
Salēngkah
Maranēhna baralik deui
Dina tapak lawas ngadegkeun harepan
Antara sirineu jeung sora piriwit
Dina inghak anak pamajikan.
Mei 2005.
Tidak ada komentar:
Posting Komentar