Samēmēh lalajo Tonggērēt Banēn
na kongkolak panon samoja ngarangrangan
mugurkeun dangdaunan luhur pajaratan
nutupan tetengger ngabalaan tutunggul
geuning wanci geus kagiridig pati
lalakon kahirupan : runtuyan carita
nu dipungkas ku kidung pileuleuyan
angin peuting ngawihkeun tembang kapapatēn
ngēlēbētkeun katunggaraan meulah peteng
ngawurkeun daun-daun honcēwang
meunggaskeun rēgang-rēgang harepan
purnama ngeunteung na tutunggul kubur
sulintang nu remen maturan duka di mana
ukur aleutan mēga hideung ngalalangsēan
boa ti dinya pati nyēntangna.
*) Pinunjul Kadua Pasanggiri Nulis Sajak Sunda Disparbud Jabar 2008
Tidak ada komentar:
Posting Komentar