Seug ngajirim angin
rēk ngaharēwos halon. Ngaharēwos
Sangkan sakur nu ngarasa
Ngadēngē sono moho diri
Sangkan sakur nu rumasa
Mireng dumugi diri
Seug ngajirim cai,
rēk ngamalir leuleuy. Ngamalir.
Sangkan sakur nu hareudang
Bisa teuleum dina nyecepna hawa
Sangkan sakur nu hana’ang
Bisa seger nguyup tiis
Seug ngajirim seuneu
rēk ngahuru panas. Ngahuru.
Sangkan sakur nu meungkeut
Kaduruk leupas tina raga
Sangkan sakur nu hangru
Kaambeu seungit beuleum menyan
Jeung seug ngajirim taneuh
rēk ngeukeupan dunya
Sangkan sakur nu rumasa
Teu boga deui rasa rumasa
Tidak ada komentar:
Posting Komentar