Anjeun nēmbongan di palataran sukma
Kekembangan ligar di mumunggang rasa
Sagalur angin sumilir ngadalingding
Ngawurkeun seungit malati
Sagara paul ngangkleungkeun harepan
Jaladri ngagalura jero dada
Tuh srangēngē keur manceran
Ngahibaran impian dina genclang ibun
Sēsa girimis janari
Honcēwang na dangdaunan palid kairid citangis langit
Mangpirang sora manuk sawirahma
Eunteup dina rēgang-rēgang harepan
Perkara anjeun kungsi indit tanpa pamit
Perkara anjeun geus ngeundeuk-ngeundeuk lamunan
Geus dipopohokeun bēh ditueun kamari
Tidak ada komentar:
Posting Komentar