sapotong leutik impian
nu kuduna kasorang
baheula mangsa keur lalagasan
basa salasaurang ti urang
neuteup anteb teu ngiceup-ngiceup
nanggeuy gado na biwir panggung
atawa lumpat ka pakarangan Rumentang
mangsa salasaurang ti urang
ngudag bari rēnghap ranjug
sapotong leutik impian
nu kuduna kalakon, basa urang ngalalakon
meungkeut pasini ku sindir sampir
mangsa urang mangkat dēwasa
tuluy indit ka pangumbaraan
sapotong leutik tunggara urang,
Bancang pakēwuh datang
Loba teuing urang kaleungitan
Kuring kaleungitan anjeun
Anjeun nganti-nganti nu teu pasti
Poē ieu hayu urang ngaguar tineung, lamunkeun
Jeung pupus kokotor alatan papeuntas hatē
Urang rēken langit kungsi nyaksēni
Aya kagumbiraan antara urang baheula
basa leumpang bareng nēangan ēs gurat
sapanjang jalan Baranangsiang
Tidak ada komentar:
Posting Komentar