Dina sēahna jaladri
Aya aweuhan sumanget nu ngalanglaung
Noēlan sakur jajantung jeung ketugna
Nu ngagimbung di tegalan kabingung.
Sēahna jaladri awor jeung sēor angin katigin
Ngangkleungkeun parahu kamotēkaran
Ka tengahing sagara cita-cita
Fachroe, sēahna jaladri lain sausumeun
Rēa kēnēh basisir nu can kasimbeuh
Loba kēnēh karang nu can kakeueum
Panjang kēnēh jaman nu can kaambah
Geuning panonpoē gē kawas nu taya kacapē
Nētēan wanci
Ngudag-ngudag bangkarak mangsa
Nu nyangheuy di tungtung kulon
Jaladri tēh kapan nu urang, Fachroe
Sēahna sakamalir jeung ketug jajantung
Juni 2009
Tidak ada komentar:
Posting Komentar